U Žeginom loncu

Piše: Milan Žegarac Peharnik

Bažul čušpajz po samoborski

Moram, kakti prvo, reči da mi opče ne znamo kolko je naš bažul čušpajz dober i zdraf: Em se ne tržeju oko tega brenda bez veze i neki drugi pa ga zoveju "vojnički" i tak dale. Čak su mi i Kinezi rekli da bi s riže rada prešli na bažul, ali im vlast neda zbok metana kaj bi potem spuščali i globalnega zatoplenja. Dečki gda vam je dost jezikove juhe i pečenih ništancih pri hiži, primite se posla oko prave muške hrane!

Večer predi temfanja namočite bažulek vu vodu. Pri tem najte škrtarit jer bute mesto čušpajza dobili jušicu. Onda zemite velki lonec i denite kuhati bažul (najbole črešnevec) koji ste malo posolili. Dok se bažulek kuha zdinstajte dost luka dok se fino na kašicu ne respadne. Gda je bažul negdi na pol kuhan metnite v lonec koji režen češnaka, par listof lorbera, črni paper v zrnu, može i narezane mrkvice i nekaj domačega špeka - more i kožica, par češnofki zbok bolšega šmeka.

V drugem loncu malo sprekipite suhega bunceka ili rebreca, tu prvu vodu hitite zbog dimlenja. Potem i to lepo zesipajte k bažuleku. Pred sami konec dodajte k semu još dve jušne žlice domačega ajvara i temfajte dok se se to skupa fino ne sljubi. Ajvar nemojte metati ranije jer se onda bažul neće skuhat do kraja! Solite na koncu zbog soli u mesu, da nebu preslano!

Potem tega znalo bu se i još bolše čulo za pol vure gdo je gazda pri hiži!